~ الدبلة ~

موضوع: ~ الدبلة ~ الإثنين فبراير 04, 2008 9:19 am

قصيــدة الـدبـلة
للشـاعــر: ربيــع القلب

شــافت الدبلة في يدي وزعلت
والملامح في محياها غضوبة

واسكتت لحظه وجتني واسألت
ياغلا ليكوون ملجه او خطوبة

ماقدرت اتكلم وعيني اخجلت
قمت أطالع خاتمي وانظاري صوبه

حلفتني حييل حيل توسلت
قلت آسف وأدري ماهمتها توبة

قلت كلمة الدنيا فيها تزلزلت
روحي بروح غيرج مغصوبة

شفت دمعه تحجرت بس انزلت
من عيون ناعسه كلها عذوبة

طالعتني وطالعت وتأملت
جنها تلعن زماني بكل عيوبه

وبصعوبه حروف من فاها وصلت
والسكون أصبح كما الريح وهبوبه

أكرهك أكرهك قالتها بس ماتحملت
والله مسكينه من قليبي وذنوبه

قالت الدنيا من أفراحي خلت
وانحكم أبكي من ظروف مكتوبه

قمت أنا اتبسم وضحكاتي علت
وقلت آسف قصتي كلها كذوبة

كنت أجرب دبله يدي بها ابتلت
واعلقت ماتطلع الا بكل صعوبة